Penulis: Yorinda Tri Mudhiah, S.Pd
(Guru SMPN 13 Sijunjung)
Siti adolah anak rang kampuang nan tingga di jorong nan jauah dari sakolah. Satiok pagi, Siti bajalan kaki duo kilometer ka sakolah pakai tarompa japang, untuak baimaik sapatu nan alah lusuah. Siti bajalan ka sakolah panuah samangaik sahinggo Siti tibo di sakolah sabalum lonceang babunyi.
Sampai di sakolah Siti manuka tarompa japang jo sapatu nan dikaluan dari tas Siti nan nampaknyo alah lusuah pulo. Siti nampaknyo babeda samo kawan nan lain nan kebanyakan mamakai kandaraan ka sakolah. Tapi Siti ndak pernah maraso malu walaupun harus bajalan kaki ka sakolah mamakai tarompa japang.
Di sakolah Siti tamasuak anak nan cadiak dan berprestasi. Guru-guru pun bangga jo usaho Siti kasakolah dan prestasi yang didapek. Siti tamasuak anak nan pandiam sahinggo Siti ndak punyo banyak kawan. Kawan dakek siti hanyo duo urang yaitu Rani dan Sinta.
Biasonyo Siti pulang sakolah basamo jo kawan dakeknyo. Sarupo biaso Siti pulang sekolah bajalan kaki sajo. Siti manuka sapatu jo tarompa japang dan bajalan pulang karumah. Siti nampak samangaik karano pulang basamo kawan. Katiko sadang lamak bacarito dan bagarah garah samo kawan tibo-tibo tarompa japang Siti putuih.
Disitu Siti nampak rusuah dek mangana pitih indak ado untuk mambali tarompa japang baru. Siti nampak sadiah tapi tatap malanjuikan jalan ka rumah. Kawan dakek Siti mancubo untuk manghibur Siti, tetapi nampaknyo Siti tatap sadiah.
Sasampainyo di rumah Siti mancubo mamelokan tarompa japang nan putuih tu. Siti mancubo mamelokan mamakai tali. Sasudah barapo lamo nan tarompa japang Siti ndak juo bisa dipelokan.
Siti maraso sadiah karano ndak lamak hati untuk mamintak pitih labiah ka amak, karano maingek karajo amak yang ndak manantu. Kadang sahari dapek pitih cukuik untuak makan. Siti hanyo tingga samo amaknyo karano ayah Siti alah maningga di wakatu Siti masih ketek.
Siti nampak pasrah dan tasanda di kurisi kayu nan ado di ruang tamu. Dari kajauahan tadangan suaro kaki amak bajalan manuju ka rumah.
‘Assalamualaikum” (amak mambuka,k pintu rumah).
“Waalaikumsalam,’ jawek Siti dengan suaro lirih dan muko nan lesu.
“Dek apo kau Siti, baa kok muruang se wajah tu, ado masalah? Carito lah ka amak!”
Siti nampak ragu untuak manjawek tanyo amak, walaupun akhirnyo Siti tetap maagiah tau amaknyo. Jo suaro nan sadiah Siti mangecekan ka amaknyo.
“Mak, tarompa japang Siti lah putuih, samo apo lah Siti ka pai sakolah mak? Kalau sapatu nan Siti pakai dari rumah tu capek cayia sapatu Siti mak…”
Mandanga kato Siti amak nampak sadiah.
‘saba dulu yo nak,” kecek amak sambia menapuak bahu Siti).
“bisuak kalau amak ado rasaki amak balian tarompa baru…”
Meskipun baitu amak Siti tetap barusaho mamelokaan tarompa Siti nan putuih tadi.
Dan nyatonyo amak Siti bisa dan tarompa japang Diti masih bisa dipakai baliak.
Sarupo biaso,, bisuak harinyo Siti pai sakolah dengan semangat dan ceria.
Siti salalu baraja dengan rajin dan tekun. Di sakolah Siti ndak pernah mambuek masalah sahinggo guru banyak yang sayang samo Siti.
Ndak taraso Siti sabanta lai ka melaksanakan ujian sakolah.
Siti tajin baraja taruih. Bapantang Baranti sabalun dapek
Sahinggo Siti masih berprestasi di sakolah dan mandapekan juara.
Amak siti sangaik bangga dengan apo nan alah difapek dek Siti.
Ndak hanyo amak nan bangga samo Siti,, guru pun bangga samo siti, dengan perjuangan Siti untuak bisa tatap ka sakolah dengan keterbatasan dan Siti masih bisa berprestasi dan mandapekan juara, sahinggo Siti mandapek hadiah dari gurunyo.
Alangkah takajuik dan sanangnyo Siti katiko mandapekan hadiah dari gurunyo. Hadiahnyo adolah tarompa japang baru untuak siti.
Batapo sanangnyo hati siti mandapekan hadiah tarompa japang baru dari gurunyo,, dan kini Siti masih bisa maimekan sapatu dek alah ado tarompa japang baru. (*)
Sumber gambar: Lioutan6.com.
