Tukang Tulih: Irwan Malin Basa (Dosen UIN Batusangkar)
Hari Rayo Idul Adha sering dan umum disebut Rayo Aji atau Rayo Kurban oleh masyarakat Minangkabau. Tapi sasuai jo kamajuan zaman, kini lah umum sajo disabuik Rayo Idul Adha dan Rayo Haji.
Istilah Rayo Haji disabuik karano dilaksanakan pado bulan Haji atau bulan Zulhijjah dan masyarakat muslim sadang malaksanakan ibadah haji di Makkah.
Ado nan paralu kito ingek di hari Rayo Aji ko yaitu nyo mambantai atau mamotoang Jawi dan kambiang. Sasudah dibantai, dibagikan kapado masyarakat nan kurang mampu atau nan paruik manarimo.
Bakurban tu buliah sikua Jawi surang urang dan buliah pulo dibagi tujuh. Tapi kalau kurban nyo kambiang, sikua untuk surang urang.
Kalau di Arab ado unto nan dikorbankan. Adopulo domba atau biri biri. Karano jawi ndak ado disinan.
Dulu, urang Minang ado nan bakurban di surau, di musajik, di laman rumah rumah gadang kaum masiang masiang. Tapi kini, lah umum sajo urang kurban di musajik.
Kini daging kurban nan kadibagikan ditimbang dan dimasuak an kadalam plastik. Kok dulu, diagak sajo. Dibungkuih Jo daun pisang. Adopulo nan diatua sajo Jo lidih atau jo rotan.
Itu stek beda nyo kurban dulu Jo kurban kini. (*)
