Oleh: Irwan Malin Basa. (Dosen UIN Batusangkar, Sumatera Barat)
Bahaso Minang banyak nan lahia dari babagai kejadian, apokah dalam bantuak bancano, sajarah, kejadian lain nan gadang dan mambekas dalam pangana masarakaik. Tamasuak juo di dalamnyo ritual, hari gadang keagamaan dan lain sebagainyo.
Diantaro kato kato nan muncul tu adolah saputaran jo hari Rayo, baiak itu Rayo Idul Fitri ataupun Rayo Haji atau Rayo Kurban.
Ado kato ‘Rayo’; aratinyo dalam Bahaso Indonesia adolah Raya, Lebaran. Dalam Bahaso Minang disabuik Rayo.
Adopulo kato ‘Barayo’; aratinyo berhari raya atau merayakan. Adopulo nan manyabuik kato Barayo tu jo ‘mendapatkan keuntungan yang besar’.
Kato nan lain adolah ‘Baju Rayo’; aratinyo baju nan dibali untuk hari Rayo.
Ado juo kato ‘Kue Rayo’; yaitu kue nan dibuek untuk manyambuik hari Rayo. Macam macam jenis kue Rayo nan Ado di seluruh nagari nan ado di ranah Minang.
Kato kato nan lain nyo: Pai Barayo, khutbah Rayo, khatib Rayo, Rayo gadang, Rayo haji, Rayo Anam dan banyak lai. Kasado kato kato itu akan dijalehan di tulisan barikuiknyo.
