Tukang tulih: Irwan Malin Basa (dosen dan peneliti kebudayaan)
Parangai bupati Jo wakil bupati Tanah data ampia ampia samo. Baitu penilaian banyak urang di sangka ko kini. Dulu, Inyo baduo maju jadi bupati dan wakia bupati dengan semangat Era Baru. Banyak program nan dijanjikan ka masyarakat. Tapi, sesudah manang, antah kama program program tu.
Kini, alun habih maso jabatan lai, lah mulai pacah kongsi pulo tadanga. Nan bupati indak pulo mambaok atau maagiah kesempatan ka wakia. Nan wakia baitu pulo, indak pulo batanyo baa mako dipasampik ruang garak nyo.
Alhasil, jalan surang surang. Yang surang mamasang baliho selamat menjalankan ibadah puaso. Bupati mulai Jo ucapan selamat menjalankan ibadah puasa atas nama Pemkab Tanah Datar. Tapi Poto nyo surang sajo. Dan Alado pulo kato kato “lanjutkan”. Mungkin artinyo kato kato itu “lanjutkan untuk duo periode” atau ado makna lain? Entahlah.
Di tampek lain, wakia bupati mambuek spanduk ucapan selamat menjalankan ibadah puaso pulo. Tapi ateh namo ketua DPD Nasdem Tanah Datar. Spanduk dipasang dakek dakek. Hahaha.
Masyarakat Tantu manilai, Baa dek jalan surang surang pak pati Jo wakia bupati kini? Apo nan tajadi?
Tantu hanyo rumpuik yang bergoyang nan kamanjawek. Dimaklumi sajo. Lah babisiak bisiak urang di nan rami. Lah tapantiang baritonyo.
Kok Kito nilai, lai patuik inyo baduo tu maju baliak? Kok bantuak itu sifatnyo, kurang patuik manuruik ambo. Bantuak anak anak.
Sungguahpun kusuik kusuik bulo ayam, indak usah dinampak an Bana. Kok nan sabana politik, harimau di dalam paruik, kambiang juo kalua. Mungkin kini dek pak bupati Jo wakia bupati tu, indak mungkin dirujuk an lai. Jalan sajo masing masing.
Persoalan sia nan manang atau kalah, itu tasarah masyarakat mamiliah nanti. Nan paralu, Jan sarupo anak anak juo. Majukan lah kampuang Kito ko pak. Tarimokasih.
