Tukang Tulih: Irwan Malin Basa (Dosen UIN Batusangkar dan Penggiat Kebudayaan Dan Bahasa Minang)
Indak lamo lai hari Rayo katibo. Indak taraso sajo lah ampia habih puaso. Masyarakat lah mananti nanti pengumuman dari pamarintah hari apo kito ka rayo. Ado nan bapandapek kalau Rayo jatuahnyo hari Jumaik tgl 20 Maret 2026. Adopulo nan mangatokan kalau Rayo jatuahnyo hari satu tgl 21 Maret 2026. Baa Mangko baitu? Nan ma nan kadituruik an?
Manuruik ilmu Falak, astronomi, teknologi dan pengetahuan modern ado babarapo Caro manantukan Rayo. Partamo, jo Caro hisab atau maetong bulan. Nan kaduo Jo Caro rukyat atau manvaliak bulan.
Kalau Hisab maetong awal dan akhir. Kalau rukyat memang dicaliak bulan tu alah nampak atau alun. Dahulunyo dicaliak Jo Mato talanjang sajo. Indak Ado alat nan bisa dipakai.
Tapi kini afo alat nan santiang untuak mancaliak bulan. Taropong Namo nyo. Bulan bisa dipantau Jo taropong tu di daerah nan Tabukak. Adopulo nan dari ketinggian. Kok lah nampak bulan walaupun sketek, msko urang Rayo bisuak hari. Tapi kok alun juo nampak, padahal puaso alah 29 hari, Mako cukuik kan puaso 30 hari
Tapi adopulo ketentuan nan disepakati kalau hilal tu harus tigo derajat. Kok kurang, berarti alun sah. Adopulo nan manantukan posisi bulan di babarapo negara asia tenggara takah brunai, Malaysia Jo Singapura.
Adopulo teknologi modern nan bisa taruih nan mamantau perjalanan bulan. Mungkin sajo nantik adopulo caro baru untuak manantukan posisi bulan tu
Jadi, nan ma nan kadituruik an? Kadang kadang binguang juo masyarakat deknyo. Tapi, sudahlah. Kok nan Indak punyo ilmu, ikuik sajo Jo pamarintah. Bak kicek hafis nabi, atiullah waatiul rasul waulil amri mungkin. Taatilah Allah, rasul dan pemimpin diantara kamu. Manompang Jo kapa gadang sajo.
Kok hari Jumaik Rayo kicek pamarintah, jadih juo. Kok hari satu jadih juo. Nan Indak buliah adolah Indak Rayo. Indak buliah puaso sajo taruih katiko Rayo lah Tibo. Dilarang oleh agamo bapuaso katiko Rayo lah Tibo.
Kadang kadang lai Samo pancaliak an pamarintah Jo ormas ormas keagamaan yang Ado di Indonesia. Tagantuang dari Caro mancaliak atau maetongnyo. Jadi, untuk Rayo tahun 2026 ko, mungkin duo hari. Jumaik Jo satu. Sudahlah.
Pamarintah manyafdiokan fasilitas untuak duo hari tu. Indak bisa dipasoan sarantak Rayo hari Jumaik misalnyo, atau hari satu sadonyo. Itulah pandapek manusia. Kok salah Inyo nan kabadoso. Kito maikuik sajo.
Salamaik hari Rayo Idul Fitri 1447 Hijriyah atau tahun 2026 masehi.
Sumbar gambar: egagology.web.id. muslim. Diakses dari google free access.
